УБТЗ-ын нийт тээсэн ачааны 9.1 хувийг ОХУ-аас БНХАУ руу чиглэсэн ачаа эзэлж байна

хуваалцах

УБТЗ дөрөвдүгээр сарын нэгнээс хойш Замын-Үүд-Эрээн хилийн гарцаар найман удаа 15, нэг удаа 14, нэг удаа 16 галт тэрэг хүлээлгэн өгөөд байна. Өөрөөр хэлбэл, дөрөвдүгээр сар гарснаас хойш хилийн хэлэлцээрээр тохирсны дагуу хоногт тогтмол 15 галт тэрэг хүлээлгэн өгч байгаа юм. Хоногт хүлээлгэн өгч буй галт тэргийг ачааны бүтцээр нь задалбал, транзит чингэлэг 5, экспортын нүүрс 4, төмрийн хүдэр 3, экспортын чингэлэг 1, экспортын бусад ачаа 1, транзит бусад ачаатай 1 галт тэрэг байна. Эдгээр галт тэрэгний ачааны бүтцийг Төмөр замын хамтын ажиллагааны байгууллага буюу ОСЖД-ийн гишүүн төмөр замуудын хурлаар шийдвэрлэдэг. Тус хурлын шийдвэрээр 2023 онд Монголоос Хятад руу 11.7 сая тонн, Хятадаас Монгол руу 1.4 сая тонн, Монголоос Орос руу 300 мянган тонн, Оросоос Монгол руу 2.5 сая тонн, Монгол Улсын нутаг дэвсгэрээр дамжуулан Оросоос Хятад руу 3.5 сая тонн, Хятадаас Орос руу 1.5 сая тонн буюу нийт 21 сая тонн экспорт, импортын болон дамжин өнгөрөх ачаа тээвэрлэхээр хөрш төмөр замуудтай тохиролцсон. Энэ нь, өнгөрсөн оны төлөвлөгөөтэй харьцуулбал 5.1 сая тонн буюу 31.9 хувиар ачаа тээврийн хэмжээ нэмэгдэх хандлагатай юм. Эхний гурван сарын дараах байдлаар УБТЗ 8.1 сая тонн ачаа тээвэрлэв. Үүний 13.8 хувийг транзит ачаа эзэлсэн. Нийт транзит ачааны 34 хувь нь БНХАУ-аас ОХУ руу, 65.9 хувь нь ОХУ-аас БНХАУ руу чиглэлтэй байна. Тэр дундаа ОХУ-аас БНХАУ руу чиглэсэн ачаа тээврийн хэмжээ УБТЗ-ын нийт тээсэн ачааны 9.1 хувийг эзэлжээ.       

Холбоотой мэдээ мэдээлэл

Дэлгэрэнгүй
“Дэлхийн өндөр хурдны төмөр замын 12 дугаар их хурал” зохион байгуулагдлаа.

“дэлхийн өндөр хурдны төмөр замын 12 дугаар их хурал” зохион байгуулагдлаа.

Дэлгэрэнгүй

“Нүүрс тээвэрлэлтийн урт хугацааны гэрээ”-г хэрэгжүүлэх ачаа тээврийн үйл ажиллагааг албан ёсоор эхлүүллээ

“нүүрс тээвэрлэлтийн урт хугацааны гэрээ”-г хэрэгжүүлэх ачаа тээврийн үйл ажиллагааг албан ёсоор эхлүүллээ

Дэлгэрэнгүй

2025 онд Хятадын төмөр замын урт 117 мянган км-т хүрнэ

2025 онд хятадын төмөр замын урт 117 мянган км-т хүрнэ

Дэлгэрэнгүй

Footer Background Image
Logo

Зохиогчийн эрх хуулиар хамгаалагдсан © "Лонг Вей Транс Трейд" ХХК 2023 он.

Хөгжүүлсэн :

TBSM

TBSM Logo